ਤਾਜਾ ਖਬਰਾਂ
ਚੋਣਾਂ ਦੇ ਆਖਰੀ ਦਿਨ ਭਾਜਪਾ ਵੱਲੋਂ ਜਵਾਹਰਪੁਰ ਜੋਨ ਵਿੱਚ ਤੋਗਾਂਪੁਰ ਪਿੰਡ ਤੋਂ ਚੋਣ ਪ੍ਰਚਾਰ ਸ਼ੁਰੂ ਕੀਤਾ ਗਿਆ। ਭਾਜਪਾ ਦੇ ਸੀਨੀਅਰ ਆਗੂ ਅਤੇ ਸਮਾਜ ਸੇਵੀ ਗੁਰਦਰਸ਼ਨ ਸਿੰਘ ਸੈਣੀ, ਸਕੱਤਰ ਪਰਮਿੰਦਰ ਬਰਾੜ, ਐਸਐਮਐਸ ਸੰਧੂ, ਸੁਸ਼ੀਲ ਰਾਣਾ ਅਤੇ ਕਈ ਵਰਕਰਾਂ ਨੇ ਉਮੀਦਵਾਰ ਰੇਖਾ ਰਾਣੀ ਦੇ ਹੱਕ ਵਿੱਚ ਲੋਕਾਂ ਨੂੰ ਜਾਗਰੂਕ ਕੀਤਾ। ਪਿੰਡ ਵਾਸੀਆਂ ਨੇ ਆਗੂਆਂ ਦਾ ਭਾਵੁਕ ਸਵਾਗਤ ਕੀਤਾ ਅਤੇ ਲਗਭਗ 50 ਨੌਜਵਾਨਾਂ ਅਤੇ ਬਜ਼ੁਰਗਾਂ ਨੇ ਖੁੱਲ੍ਹੇ ਤੌਰ ‘ਤੇ ਭਾਜਪਾ ਨੂੰ ਸਮਰਥਨ ਦਿੱਤਾ। ਪ੍ਰਚਾਰ ਕਾਫਲਾ ਤੋਗਾਂਪੁਰ ਤੋਂ ਲਾਲੜੂ ਇਲਾਕੇ ਦੇ ਵੱਖ-ਵੱਖ ਪਿੰਡਾਂ ਵੱਲ ਵਧਿਆ, ਜਿਸ ਦੌਰਾਨ ਟਿਵਾਣਾ ਪਿੰਡ ਵਿੱਚ 25 ਪਰਿਵਾਰਾਂ ਨੇ ਭਾਜਪਾ ਨਾਲ ਜੁੜ ਕੇ ਉਮੀਦਵਾਰ ਦੇ ਹੱਕ ਵਿੱਚ ਵੋਟ ਦਾ ਭਰੋਸਾ ਦਿੱਤਾ।
ਰਾਮਗੜ੍ਹ ਰੁੜਕੀ ਪਹੁੰਚਣ ‘ਤੇ ਗੁਰਦਰਸ਼ਨ ਸਿੰਨੀ ਨੇ ਭਾਵੁਕ ਹੋ ਕੇ ਕਿਹਾ ਕਿ ਇਹ ਪਿੰਡ ਉਨ੍ਹਾਂ ਲਈ ਵਿਸ਼ੇਸ਼ ਹੈ, ਕਿਉਂਕਿ ਇਥੇ 45 ਸਾਲ ਪਹਿਲਾਂ ਉਨ੍ਹਾਂ ਦੇ ਪਿਤਾ ਨੇ ਮੰਦਰ ਦਾ ਨੀਹ ਪੱਥਰ ਰੱਖਿਆ ਸੀ। ਉਨ੍ਹਾਂ ਨੇ ਲੋਕਾਂ ਨੂੰ ਯਾਦ ਦਿਵਾਇਆ ਕਿ ਉਨ੍ਹਾਂ ਦੇ ਪਿਤਾ ਜੀ ਨੇ ਸਿਰਫ ਆਪਣੇ ਪਰਿਵਾਰ ਲਈ ਨਹੀਂ, ਸਗੋਂ ਪੂਰੇ ਇਲਾਕੇ ਦੀ ਭਲਾਈ ਲਈ ਸਮਰਪਿਤ ਜੀਵਨ ਬਿਤਾਇਆ। ਧਾਰਮਿਕ ਸਥਾਨਾਂ ਦੀ ਸੇਵਾ, ਸਿਹਤ ਅਤੇ ਲੋਕ-ਸੇਵਾ ਵਿੱਚ ਉਨ੍ਹਾਂ ਦੇ ਯੋਗਦਾਨ ਨੂੰ ਯਾਦ ਕਰਦੇ ਹੋਏ ਸੈਣੀ ਨੇ ਵਾਅਦਾ ਕੀਤਾ ਕਿ ਉਹ ਵੀ ਉਨ੍ਹਾਂ ਦੇ ਦਿਖਾਏ ਰਸਤੇ ‘ਤੇ ਤੁਰਦੇ ਹੋਏ ਇਲਾਕੇ ਦੇ ਹਰ ਨਿਵਾਸੀ ਲਈ ਕੰਮ ਕਰਦੇ ਰਹਿਣਗੇ।
ਉਨ੍ਹਾਂ ਨੇ ਸਥਾਨਕਾਂ ਨੂੰ ਅਪੀਲ ਕੀਤੀ ਕਿ ਭਾਜਪਾ ਨੂੰ ਸਮਰਥਨ ਦੇਣ ਤਾਂ ਜੋ ਸੈਂਟਰ ਸਰਕਾਰ ਦੀਆਂ ਲੋਕ-ਭਲਾਈ ਸਕੀਮਾਂ ਦਾ ਲਾਭ ਬਿਨਾ ਕਿਸੇ ਰੁਕਾਵਟ ਦੇ ਲੋਕਾਂ ਤੱਕ ਪਹੁੰਚ ਸਕੇ। ਚੋਣ ਪ੍ਰਚਾਰ ਮੌਕੇ ਤੇ ਭਾਜਪਾ ਦੇ ਜ਼ਿਲਾ ਸੈਕਟਰੀ ਰਵਿੰਦਰ ਰਾਣਾ, ਰਾਜਪਾਲ ਰਾਣਾ, ਮੰਡਲ ਪ੍ਰਧਾਨ ਬਿੱਟੂ ਅਤੇ ਬਾਂਸਲ, ਜ਼ਿਲਾ ਵਾਈਸ ਪ੍ਰਧਾਨ ਅਨੁਜ ਅਗਰਵਾਲ, ਪ੍ਰਦੀਪ ਸ਼ਰਮਾ, ਗੁਲਜਾਰ ਟਿਵਾਣਾ, ਦਿਆਲ ਸੈਣੀ, ਗੁਰਦੀਪ ਸਿੰਘ, ਮਨਿੰਦਰ ਸਿੰਘ, ਜੋਗਾ, ਕਾਲਾ ਬਸੌਲੀ ਅਤੇ ਦਵਿੰਦਰ ਧਨੌਨੀ ਹਾਜ਼ਰ ਰਹੇ।
Get all latest content delivered to your email a few times a month.
